Рэспублiканская канфедэрацыя прадпрынiмальнiцтва вiншуе вас са святамi i зычы ўсяго самага найлепшага. Здароўя вам, поспехаў ды добрага настрою!
Iнфармуемы вас пра цікавыя мерапрыемствы, трэнінгі і семінары, конкурсы ды іншыя магчымасці,якiя прапануе вам ОДБ Брусэл.
Увага, вакансія!
Вакансія: спецыяліста/кі па камунікацыях у ПРААН на праекце «Падтрымка эканамічнага развіцця на мясцовым узроўні ў Рэспубліцы Беларусь». Спецыяліст/ка па камунікацыях будзе працаваць у Мінску. Патрабаванні: вышэйшая адукацыя і досвед працы ў падобнай пазіцыі 3 гады і болей. Абавязкова трэба ведаць рускую і англійскую мову. Апошні тэрмін падачы заяўкі – 6 студзеня 2019 г.
Стыпендыі, гранты, конкурсы
Еўрапейскі парламент прымае заяўкі на атрыманне стыпендыі Сахарава. Праваабаронцы з краін, якія не ўваходзяць у склад ЕС, будуць мець магчымасць прайсці двухтыднёвы курс у Бруселі і Еўрапейскім міжуніверсітэцкім цэнтры правоў чалавека і дэмакратызацыі (EIUC) у Венецыі. Стыпендыя пакрывае выдаткі. Апошні тэрмін падачы заяўкі – 7 студзеня 2019 г.
Трохтыднёвая стажыроўка ў ЗША па тэме: уцягванне людзей з інваліднасцю ў жыццё мясцовых супольнасцей адбудзецца 17 лiпеня - 8 жнiўня 2019 года. Анкеты для ўдзелу ў праграме прымаюцца да 17.00 9 студзеня 2019 года па пошце.
Стажыроўка для журналістаў/к у часопісе YES! (Вашынгтон, ЗША) - гэта некамерцыйная нацыянальная арганізацыя. Стажор/ка будзе атрымліваць заробак 1000$ у месяц, аплату праезду на працу. Дэдлайн – 18 студзеня 2019 г.
Стажыроўка ў ЗША па тэме: «Падтрымка і прасоўванне грамадскага актывізму з дапамогай медыя і інфармацыйна-камунікацыйных тэхналогій». Даты праграмы – 3-25 ліпеня 2019 года ў ЗША. Арганізатары праграмы Community Connections пакрываюць усе выдаткі ўдзельнікаў і ўдзельніц. Анкеты прымаюцца да 17.00 22 студзеня 2019 года.
Адкрыты старт сусветнага конкурсу праектных заявак Еўрапейскага інструмента спрыяння дэмакратыі і правам чалавека "Абнаўленне Механізму Еўрапейскага Саюза для праваабаронцаў". Апошні тэрмін для падачы канцэптуальных дакументаў – 22 студзеня 2019 г.
Стажыроўка для грамадзян краін “Усходняга партнёрства”, прызначаецца актывістам/кам, у якіх ёсць ідэі па паляпшэнні сваёй краіны. Удзельнікі і ўдзельніцы праграмы маюць выдатную магчымасць узяць удзел у трэнінгах і іншых мерапрыемствах, накіраваных на нарошчванне патэнцыялу і рэалізаваць свой праект, бюджэтам не больш за 5000€. Апошні тэрмін падачы анлайн-заяўкі – 31 студзеня 2019 г.
Цэнтр Centre for East European and International Studies шукае стажыроўку (на поўную стаўку або на паўстаўкі для працы ў сакавіку/красавіку або верасні/кастрычніку). Працягласць стажыроўкі – 6 месяцаў. Апошні тэрмін падачы заяўкі – 1 лютага 2019 г.
Конкурс праектных заявак Коледжа імя Карла Фрыдрыха Гёрделера на 2019/2020 навучальны год. Коледж з'яўляецца нямецкамоўнай праграмай, якая не прадугледжвае адрыў ад прафесійнай занятасці ў сваёй краіне, для кіруючых спецыялістаў грамадскага сектара. Удзел бясплатны. Тэрмін падачы заявак да 18 лютага 2019 года.
Звярніце, калі ласка, увагу на хуткія дэдлайны па наступных прапановах:
- Міжнародны цэнтр мультыкультуралізму ў Баку арганізоўвае міжнародную зімовую школу (12-21 лютага, 2019). Арганізатары аплочваюць усе выдаткі (акрамя кошту візы і страхоўкі). Асноўны крытэрый адбору – эсэ, якія прымаюцца да 31 снежня 2018 г.
- Праграма Westwelle Young Founders Programm - цалкам аплачаная шасцімесячная праграма для маладых прадпрымальнікаў і прадпрымальніц. Арганізатары аплочваюць кошт авія-пералёту, пражывання і харчавання. Заяўкі прымаюцца да 8 студзеня 2018 г.
Сачыце за нашымі навінамі на сайце і праз старонку ў фэйсбуку.
