7 жніўня а 17-й гадзіне ў Нацыянальным гістарычным музеі Рэспублікі Беларусь (вул. Карла Маркса, 12) адбудзецца адкрыццё персанальнай выставы мастака Эдуарда Мацюшонка “Радзіма. Рэканструкцыя”, прымеркаванай да Года малой радзімы.
8 жніўня а 17-й гадзіне ў філіяле Нацыянальнага гістарычнага музея Рэспублікі Беларусь “Музей гісторыі тэатральнай і музычнай культуры” (Музычны завулак, 5) адкрываецца выстава «Зачараваны музыкай» (да 80-годдзя народнага артыста БССР і СССР, заслужанага дзеяча мастацтваў Беларусі, кавалера ордэна Францыска Скарыны, лаўрэата Дзяржаўнай прэміі БССР, старшыні праўлення Беларускага саюза кампазітараў Ігара Міхайлавіча Лучанка).
9 жніўня а 17-й гадзіне ў Нацыянальным гістарычным музеі Рэспублікі Беларусь (вул. Карла Маркса, 12) у межах Года малой радзімы адбудзецца адкрыццё мастацкай выставы «Родны край». Экспазіцыя складаецца з выпускных работ вучняў Слуцкай дзіцячай мастацкай школы, на якіх адлюстраваны архітэктурныя помнікі Беларусі: сядзібы, палацы, цэрквы і інш. Крыніцай натхнення для маладых мастакоў сталі фотаматэрыялы аўтарскага праекта беларускага мастака і дызайнера Уладзіміра Цвіркі.
У філіяле Нацыянальнага гістарычнага музея Рэспублікі Беларусь «Дом-музей I з'езда РСДРП» (п-т Незалежнасці, 31А) з 2 па 12 жніўня будзе праходзіць выстава «Дом на Захар'еўскай».
